МАСТАЦТВА СВЯТЛА

Віцебскі абласны краязныўчы музей (Ратуша, вул. Леніна, 36) адкрывае выстава беларускай маляванкі «Мастацтва святла».

Выставачны праект аб’яднае ў адной прасторы шэдэўры беларускага наіўнага мастацтва мінулага стагоддзя і працы сучасных носьбітаў традыцыі. Цэнтральнае месца ў экспазіцыі займаюць творы знакавых постацяў беларускай культуры – Язэпа Драздовіча і Алены Кіш. Дзякуючы падтрымцы Гістарыка-культурнага музея-запаведніка «Заслаўе» і Мастацка-этнаграфічнага музея імя Я.Н. Драздовіча наведвальнікі змогуць убачыць арыгінальныя маляванкі, якія сталі сімвалам беларускага касмізму і народнай марай пра «рай на зямлі».

Сучасную школу маляванкі прадстаўляе народная студыя «Рошва» (г. Полацк). Гэтыя працы – сапраўдная каляровая сімфонія. Дапаўняюць іх маляванкі з калекцыі Віцебскага абласнога метадычнага цэнтра народнай творчасці, якія дэманструюць рэгіянальныя асаблівасці гэтага віду мастацтва.

Асаблівую атмасферу выставе надае драўляная скульптура Ганны Савельеўны Асіпковай. Яе творы дапаўняюць плоскасныя выявы маляванак аб’ёмам і асаблівай цеплынёй прыроднага матэрыялу.

Выстаўка «Мастацтва святла» – гэта не проста дэманстрацыя рамёстваў, а паказ жывой традыцыі, якая працягвае развівацца. Гэта магчымасць убачыць, як майстры розных пакаленняў шукалі «святло» у навакольным свеце і сваіх марах.

На прэзентацыі выставы плануецца майстар-клас па маляванцы.

Школьник, студент — 2 BYN

Взрослый — 4 BYN